काठमाडौं । कांग्रेसका पूर्वसभापति शेरबहादुर देउवालाई स्वागत गर्न त्रिभुवन अन्तर्राष्ट्रिय विमानस्थल पुगेकी धर्मादेवी विष्टको आइफोन हराएको छ। सीमकार्ड नरहेको उक्त आइफोन कसैलाई फोटो खिच्न दिएको अवस्थामा हराएको हो।

शुक्रबार आयोजित पार्टीको भेलामा कांग्रेस नेता मीनबहादुर विश्वकर्माले विष्टको आइफोन हराएको जानकारी गराएका हुन्।

उनका अनुसार विमानस्थलमा देउवालाई स्वागत गर्न पुगेकी विष्टले फोटो खिच्नका लागि आफ्नो आइफोन एक व्यक्तिलाई दिएकी थिइन्। तर, फोटो खिचिसकेपछि ती व्यक्तिले फोन फिर्ता नगरेको विष्टको भनाइ छ।

विश्वकर्माले आइफोनमा सीमकार्ड नरहेकाले भेट्टाउने व्यक्तिलाई पनि सम्बन्धित व्यक्तिसँग सम्पर्क गर्न कठिनाइ भएको हुन सक्ने बताए।

‘सीम नभएको हुनाले भेट्टाउनेलाई पनि मान्छे खोज्न अप्ठ्यारो भएको होला। यही सूचनाको माध्यमबाट आइफोन फिर्ता गर्न आग्रह गर्छु,’ उनले भने।

विमानस्थलमा देउवालाई स्वागत गर्न पुगेकी विष्टले फोन हराएपछि आफूले कसैलाई फोटो खिच्न दिएको आइफोन फिर्ता नआएको भन्दै गुनासो गरेकी थिइन्।

Originally published on abcnews.com.np.