काठमाडौं । साउन महिनाको दोस्रो पाक्षिक करदाता प्रोत्साहन पुरस्कार घोषणा गरिएको छ। यसपटक १६ जना उपभोक्ताले जनही १ लाख रुपैयाँ पुरस्कार पाएका छन् भने थप एकजना उपभोक्ताले १० लाख रुपैयाँको बम्पर उपहार जितेका छन्।
आयकर कार्यालयले भदौ १ गते जारी गरेको प्रेस विज्ञप्तिअनुसार दोस्रो पाक्षिक करदाता प्रोत्साहन पुरस्कार घोषणा गरिएको हो। यसअघि साउन महिनाको पहिलो पाक्षिकमा पनि यस्तै पुरस्कार वितरण गरिएको थियो।
यसपटक गणेश इलेक्ट्रोनिक्स एन्ड मोबाइल सेन्टरबाट ३५० रुपैयाँको सामान खरिद गरेका एक उपभोक्ताले बम्पर उपहारस्वरूप १० लाख रुपैयाँ जितेका छन्।
त्यस्तै, अन्य १६ जना विजेताले जनही १ लाख रुपैयाँ पुरस्कार प्राप्त गर्नेछन्। पुरस्कार वितरणसम्बन्धी थप विवरण आयकर कार्यालयले सार्वजनिक गर्ने जनाएको छ।
Originally published on abcnews.com.np.
प्रतिक्रिया दिनुहोस्