काठमाडौँ । नेपाल राष्ट्र बैंकको डेपुटी गभर्नरमा दीर्घ रावल नियुक्त भएका छन् । बुधबार बसेको मन्त्रिपरिषद् बैठकले रावललाई डेपुटी गभर्नरमा नियुक्त गर्ने निर्णय गरेको हो ।

रावल यसअघि नेपाल राष्ट्र बैंकका कार्यकारी निर्देशक तथा बैंक सुपरिवेक्षण विभागका प्रमुखका रूपमा कार्यरत थिए । राष्ट्र बैंक ऐनअनुसार गभर्नरको सिफारिसमा मन्त्रिपरिषद्ले डेपुटी गभर्नर नियुक्त गर्ने व्यवस्था छ ।

कानुनमा नेपाल राष्ट्र बैंकमा दुई जना डेपुटी गभर्नर रहने व्यवस्था भए पनि सरकारले यसपटक एक जनालाई मात्र नियुक्त गरेको हो ।

यसअघि सरकारले गत चैत २४ गते किरण पण्डितलाई डेपुटी गभर्नर नियुक्त गरेको थियो । राष्ट्र बैंकमा २०८२ फागुन २५ गतेदेखि डेपुटी गभर्नरको एक पद रिक्त थियो ।

रावलको नियुक्तिसँगै राष्ट्र बैंकको डेपुटी गभर्नरका दुवै पदमा पदाधिकारी पुगेका छन् । उनको कार्यकाल नियुक्तिसँगै सुरु हुनेछ । बैंकिङ क्षेत्रको नियमन तथा सुपरिवेक्षणमा लामो अनुभव भएका रावलको नियुक्तिले राष्ट्र बैंकको नेतृत्व थप प्रभावकारी बन्ने अपेक्षा गरिएको छ।

Originally published on abcnews.com.np.