टोटनहमले साभिन्होलाई ७५ मिलियन पाउन्डमा अनुबन्ध गर्न सिटीसँग सहमति गरेको क्लबले शुक्रबार जनाएको छ। अब स्वास्थ्य परीक्षण पूरा भएपछि अनुबन्धन प्रक्रिया अघि बढाइनेछ।

टोटनहमले गत वर्ष पनि साभिन्होलाई क्लबमा भित्र्याउने प्रयास गरेको थियो। तर, त्यसबेला सम्झौता हुन सकेन। साभिन्हो गत वर्ष फ्रेन्च क्लब ट्रोएसबाट म्यानचेस्टर सिटी पुगेका थिए।

ब्राजिलको राष्ट्रिय टोलीका सदस्य साभिन्होले सिटीसँग सन् २०२९ सम्मको सम्झौता गरेका थिए। उनले सिटीका लागि कुल ८४ खेल खेल्दै सात गोल गरेका छन्।

साभिन्होले सन् २०१९ मा ब्राजिलको यू–१५ टोलीबाट अन्तर्राष्ट्रिय करिअर सुरु गरेका थिए। सन् २०२४ मा उनले ब्राजिलको सिनियर राष्ट्रिय टोलीमा डेब्यु गरे। हालसम्म उनले ब्राजिलका लागि १३ खेल खेलेका छन्।

टोटनहममा आबद्ध भएपछि साभिन्होले क्लबको आक्रमणपंक्तिलाई थप बलियो बनाउने अपेक्षा गरिएको छ। ७५ मिलियन पाउन्डको प्रस्तावमा सहमति भएसँगै उनको स्थानान्तरण औपचारिक रूपमा पूरा हुन स्वास्थ्य परीक्षण मुख्य चरण बनेको छ।