चितवन । चितवन राष्ट्रिय निकुञ्जअन्तर्गतको हात्ती प्रजनन तथा तालिम केन्द्र, खोरसोरमा जंगली हात्ती ‘गोविन्दे’ देखिएको छ। स्थानीय तस्बिरकार सनद अधिकारीले खिचेका तस्बिरमा ‘गोविन्दे’ खोरसोर क्षेत्रमा देखिएको हो।
पोथी हात्ती (ढोई)को खोजीमा गोविन्दे खोरसोर क्षेत्रमा प्रवेश गरेको बताइएको छ। यसअघि पनि गोविन्दे सो क्षेत्र आसपास देखिने गरेको स्थानीयवासीले बताएका छन्।
चितवन राष्ट्रिय निकुञ्जले गोविन्देसहित वन्यजन्तुको गतिविधिमाथि निगरानी गरिरहेको जनाएको छ।
तस्बिर सार्वजनिक
तस्बिरकार अधिकारीले खिचेका गोविन्देका तस्बिरहरू सामाजिक सञ्जाल तथा राष्ट्रिय समाचार समिति (रासस)मार्फत सार्वजनिक भएका छन्। तस्बिरमा गोविन्दे खोरसोर क्षेत्रमा विचरण गरिरहेको देखिन्छ।
Originally published on abcnews.com.np.
प्रतिक्रिया दिनुहोस्