काठमाडौं । गृह मन्त्रालयले बुधबार मुस्लिम धर्मावलम्बीहरूका लागि मात्र सार्वजनिक बिदा दिने निर्णय गरेको छ।

मन्त्रालयले मोहम्मद जयन्तीको अवसरमा २०८३ साल भदौ १० गते बुधबार नेपाली मुस्लिम धर्मावलम्बीहरूका लागि मात्र सार्वजनिक बिदा दिने निर्णय गरेको हो।

गृह मन्त्रालयका अनुसार नेपाल राजपत्रमा यसअघि प्रकाशित सार्वजनिक बिदासम्बन्धी सूचनामा मोहम्मद जयन्तीका दिन नेपाली मुस्लिम धर्मावलम्बीलाई सार्वजनिक बिदा दिने व्यवस्था गरिएको छ। मुस्लिम आयोगबाट प्राप्त जानकारीअनुसार यस वर्ष मोहम्मद जयन्ती भदौ १० गते बुधबार परेको हो।

गृह मन्त्रालयका प्रवक्ता तथा सहसचिव आनन्द काफ्लेद्वारा भदौ ९ गते जारी सूचनामा उक्त दिन मुस्लिम धर्मावलम्बीका लागि मात्र सार्वजनिक बिदा हुने स्पष्ट गरिएको छ।

मन्त्रालयले मोहम्मद जयन्तीको अवसरमा सम्पूर्ण मुस्लिम धर्मावलम्बीहरूमा हार्दिक शुभकामनासमेत व्यक्त गरेको छ।

Originally published on abcnews.com.np.