काठमाडौं । सामसङले नेपालमा नयाँ ग्यालेक्सी जेड सिरिजका फोल्डेबल स्मार्टफोन तथा नयाँ ग्यालेक्सी वाच सार्वजनिक गरेको छ । कम्पनीका अनुसार नयाँ सिरिजले फोल्डेबल प्रविधिमा नयाँ अनुभव प्रदान गर्नेछ ।

कम्पनीले ग्यालेक्सी जेड फोल्ड८ अल्ट्रा, ग्यालेक्सी जेड फोल्ड८, ग्यालेक्सी जेड फ्लिप८, ग्यालेक्सी वाच अल्ट्रा२ र ग्यालेक्सी वाच९ सार्वजनिक गरेको हो । यी उत्पादनको बिक्री अगस्ट २६ देखि नेपालभर सुरु हुने कम्पनीले जनाएको छ ।

प्रि-अर्डरमा पनि ग्राहकको उत्साह देखिएको सामसङले जनाएको छ । फोल्ड८ अल्ट्रामा भायोलेट श्याडो, फोल्ड८ मा लवेन्दर र फ्लिप८ मा पिंक रङ ग्राहकको रोजाइमा परेको कम्पनीको भनाइ छ ।

ग्यालेक्सी जेड फोल्ड८ अल्ट्रा

ग्यालेक्सी जेड फोल्ड८ अल्ट्राले फोल्डेबल डिजाइनमा सामसङको प्रिमियम अल्ट्रा अनुभव प्रदान गर्ने कम्पनीले जनाएको छ । ठूलो डिस्प्ले, सुधारिएको क्यामेरा प्रणाली तथा शक्तिशाली प्रदर्शनका कारण क्रिएटिभ काम र मल्टिटास्किङका लागि उपयोगी हुने कम्पनीको दाबी छ ।

यसमा ८ इन्चको मुख्य डिस्प्ले रहेको छ ।

फोल्ड८ र फ्लिप८

ग्यालेक्सी जेड फोल्ड८ नयाँ डिजाइनसहित आएको छ । कभर स्क्रिनबाट म्यासेजिङ, ब्राउजिङ तथा छोटो भिडियो हेर्न सकिने र मुख्य ४:३ डिस्प्लेबाट गेमिङ, पढाइ तथा भिडियो हेर्न सहज हुने कम्पनीले जनाएको छ ।

त्यस्तै, ग्यालेक्सी जेड फ्लिप८ व्यक्तिगत शैली तथा सहज प्रयोगलाई लक्षित गरी डिजाइन गरिएको छ । यसमा ५० मेगापिक्सेल क्यामेरा, प्रोभिजुअल इन्जिन र फ्लेक्सक्याम सुविधा रहेको सामसङले जनाएको छ ।

ग्यालेक्सी वाच अल्ट्रा२ र वाच९

सामसङले नयाँ ग्यालेक्सी वाच अल्ट्रा२ र वाच९ पनि सार्वजनिक गरेको छ । यी स्मार्टवाचले स्वास्थ्यसम्बन्धी विभिन्न जानकारीलाई उपयोगी सुझावमा रूपान्तरण गर्न सहयोग गर्ने कम्पनीको दाबी छ ।

दुवै डिभाइस स्न्यापड्रागन वेयर एलिट प्लेटफर्मबाट सञ्चालित छन् । निरन्तर स्वास्थ्य ट्र्याकिङ, प्रदर्शन, आरामदायी प्रयोग तथा लामो ब्याट्री जीवनलाई ध्यानमा राखेर यी डिभाइस डिजाइन गरिएको कम्पनीले जनाएको छ ।

२४ महिनासम्मको ईएमआई सुविधा

नयाँ ग्यालेक्सी डिभाइस खरिदलाई सहज बनाउन सामसङले २४ महिनासम्मको ईएमआई सुविधा समेत उपलब्ध गराएको छ । कम्पनीका अनुसार यसका लागि नागरिकता आवश्यक पर्नेछ ।

नयाँ ग्यालेक्सी जेड फोल्ड८ अल्ट्रा, फोल्ड८, फ्लिप८, वाच अल्ट्रा२ र वाच९ अगस्ट २६ देखि नेपालभर बिक्रीका लागि उपलब्ध हुनेछन् ।

Originally published on abcnews.com.np.