काठमाडौं । नेपाल राष्ट्र बैंकले शुक्रबारका लागि विदेशी मुद्राको विनिमयदर सार्वजनिक गरेको छ। आज अमेरिकी डलर, अस्ट्रेलियन डलर, कुवेती दिनार र बहराइन दिनारको मूल्य बढेको छ भने युरो र बेलायती पाउन्ड स्टर्लिङसहित केही विदेशी मुद्राको विनिमयदर घटेको छ।

राष्ट्र बैंकका अनुसार आज अमेरिकी डलर एकको खरिददर १५२ रुपैयाँ ५७ पैसा र बिक्रीदर १५३ रुपैयाँ १७ पैसा कायम गरिएको छ। बिहीबार अमेरिकी डलरको खरिददर १५२ रुपैयाँ ३७ पैसा र बिक्रीदर १५२ रुपैयाँ ९७ पैसा रहेको थियो।

यसअघि जेठ ७ गते अमेरिकी डलरको विनिमयदर हालसम्मकै उच्च बिन्दुमा पुगेको थियो। त्यसदिन अमेरिकी डलर एकको खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा पुगेको थियो।

आज युरोको मूल्य भने केही घटेको छ। युरो एकको खरिददर १७७ रुपैयाँ ५८ पैसा र बिक्रीदर १७८ रुपैयाँ २८ पैसा तोकिएको छ। बिहीबार युरोको खरिददर १७७ रुपैयाँ ७४ पैसा र बिक्रीदर १७८ रुपैयाँ ४४ पैसा रहेको थियो।

त्यस्तै, बेलायती पाउन्ड स्टर्लिङ एकको खरिददर २०७ रुपैयाँ ०९ पैसा र बिक्रीदर २०७ रुपैयाँ ९१ पैसा निर्धारण गरिएको छ। अघिल्लो दिन पाउन्डको खरिददर २०७ रुपैयाँ ६० पैसा र बिक्रीदर २०८ रुपैयाँ ४१ पैसा थियो।

अस्ट्रेलियन डलरको मूल्य भने सामान्य वृद्धि भएको छ। आज अस्ट्रेलियन डलर एकको खरिददर १०९ रुपैयाँ ४८ पैसा र बिक्रीदर १०९ रुपैयाँ ९१ पैसा कायम गरिएको छ। बिहीबार यसको खरिददर १०९ रुपैयाँ ४२ पैसा र बिक्रीदर १०९ रुपैयाँ ८५ पैसा थियो।

कुवेती दिनारको विनिमयदर पनि बढेको छ। आज एक कुवेती दिनारको खरिददर ४९७ रुपैयाँ २१ पैसा र बिक्रीदर ४९९ रुपैयाँ १७ पैसा तोकिएको छ। अघिल्लो दिन यसको खरिददर ४९६ रुपैयाँ ५६ पैसा र बिक्रीदर ४९८ रुपैयाँ ५२ पैसा रहेको थियो।

त्यसैगरी, बहराइन दिनार एकको खरिददर ४०४ रुपैयाँ ६९ पैसा र बिक्रीदर ४०६ रुपैयाँ २८ पैसा कायम गरिएको छ। बिहीबार बहराइन दिनारको खरिददर ४०४ रुपैयाँ १६ पैसा र बिक्रीदर ४०५ रुपैयाँ ७५ पैसा थियो।

नेपाल राष्ट्र बैंकले आवश्यकता अनुसार विदेशी मुद्राको विनिमयदर जुनसुकै समयमा संशोधन गर्न सकिने जनाएको छ। विभिन्न वाणिज्य बैंकहरूले निर्धारण गर्ने विनिमयदरमा केही फरक हुन सक्ने र पछिल्लो तथा अद्यावधिक विनिमयदर नेपाल राष्ट्र बैंकको वेबसाइटमार्फत हेर्न सकिने जनाएको छ।

Originally published on abcnews.com.np.