काठमाडौं । एसीसी प्रिमियर कप क्रिकेटमा घरेलु टोली मलेसियाले नेपालसामु १०४ रनको लक्ष्य प्रस्तुत गरेको छ । यूकेएम यूएसडी ओभलमा बिहीबार टस जितेर पहिले ब्याटिङ गरेको मलेसिया ३२.३ ओभरमा १०३ रनमा अलआउट भयो । मलेसियाका कप्तान सैयद अजिजले ३०, अकिल वाहिदले २४, वीरनदीप सिंहले १४ तथा मोहम्मद स्याहदत रमीलले १३ रन बनाए । नेपालका लागि करण केसीले सर्वाधिक ४ विकेट लिए । ललित राजवंशीले २ तथा हेमन्त धामी, दीपेन्द्रसिंह ऐरी र कप्तान सन्दीप लामिछानेले १–१ विकेट लिए  नेपाल लगातार दोस्रो जितको लक्ष्यसहित मैदानमा उत्रिएको हो । नेपालले पहिलो खेलमा बहराइनलाई ७ विकेटले पराजित गरेको थियो । मलेसियाले पनि प्रतियोगितामा पहिलो खेलमा साउदी अरेबियालाई ९३ रनले पराजित गरेको थियो । त्यसैले दुवै टोली लगातार दोस्रो जित निकाल्ने लक्ष्यमा छन् ।

Originally published on abcnews.com.np.