काठमाडौं । काठमाडौंको ठमेलमा सडकमा हिँडिरहेकी युवतीलाई अभद्र व्यवहार गरेको आरोपमा प्रहरीले एक युवकलाई पक्राउ गरेको छ ।
जिल्ला प्रहरी परिसर काठमाडौंका अनुसार भदौ १६ गते साँझ २२ वर्षीया युवतीलाई अस्वाभाविक रूपमा शरीरमा छोएर अभद्र व्यवहार गरेको आरोपमा सर्लाहीको कविलासी नगरपालिका–२ घर भई हाल कलंकी बस्दै आएका ३० वर्षीय सालिन साह पक्राउ परेका हुन् ।
घटनाको भिडियो सामाजिक सञ्जालमा भाइरल भएपछि प्रहरीले अनुसन्धान अघि बढाउँदै साहलाई नियन्त्रणमा लिएको हो ।
पक्राउ परेका साहविरुद्ध प्रहरी वृत्त लैनचौरले ‘अभद्र व्यवहार गर्न नहुने’ कसुरमा थप अनुसन्धान गरिरहेको प्रहरीले जनाएको छ ।
Originally published on abcnews.com.np.
प्रतिक्रिया दिनुहोस्