काठमाडौं १० कात्तिक । सत्तारुढ दल नेपाल कम्युनिष्ट पार्टी (नेकपा)को चियापानमा प्रधानमन्त्री केपी शर्मा ओली चियापानमा सहभागी नहुने भएका छन् ।

नेकपाका महासचिव विष्णु पौडेलका अनुसार स्वास्थ्यमा समस्या देखिएका कारण प्रधानन्त्री चियापानमा सहभागी नभएका हुन् ।
“रुघा खोकी र छातीमा समान्य समस्या देखिएका कारण प्रधानमन्त्री ज्यू यहाँ सहभागी नहुनु भएको हो,” महासचिव पौडेलले भने, “शारीरिक रुपमा उहाँ यहाँ उपस्थित नभए पनि भावनात्मक रुपमा यो चियापानमा उपस्थित हुनुहुन्छ ।” महासचिव पौडेलले भने ।

यस्तै उक्त चियापानमा संघीय संसदको प्रमुख प्रतिपक्षी दल नेपाली कांग्रेसका सभापति शेरवहादुर देउवा पनि उपस्थित भएनन् ।
नेपाल कम्युनिस्ट पार्टी (नेकपा) ले एकीकरणपछि पहिलो पटक आयोजना गरेको पहिलो चियापान हो यो । नेपालीहरूका प्रमुख चाड, दसैँ, तिहार, नेपाल सम्वत्, छठ, इद, ल्होछारलगायत पर्वका अवसरमा कात्तिक १० गते भृकुटीमण्डपमा पार्टीले सार्वजनिक चियापान कार्यक्रमको आयोजना गरेको हो ।