काठमाडौं २० असार ।
उपराष्ट्रपति नन्दबहादुर पुन चीन प्रस्थान गर्नुभएको छ ।
उपराष्ट्रपति पुन २३ औं चाईना लन्झाउ इन्भेष्टमेन्ट तथा व्यापार मेलाको उदघाटन समारोहमा भाग लिन आज विहान चीन प्रस्थान गर्नुभएको हो ।
उपराष्ट्रपति पुनलाई चीन प्रस्थान गर्नुअघि त्रिभुवन अन्तराष्ट्रिय विमानस्थलमा प्रधानमन्त्री शेरबहादुर देउवा, सभामुख ओनसरी घर्ती, गृहमन्त्री जनार्दन शर्मा, सरकारका उच्च पदस्थ कर्मचारीहरुले विदाई गर्नु भएको थियो ।
त्यस अवसरमा उपराष्ट्रपति पुनलाई नेपाली सेनाले सलामी अपर्ण समेत गरेको थियो । चीनमा रहँदा उहाँले व्यापार मेलाको सम्बोधन गर्ने कार्यक्रम छ ।
उपराष्ट्रपति पुनले चीन बसाईका क्रममा नेपाल– चीन व्यापारका विविध आयामका विषयमा पनि छलफल गर्नुहुने परराष्ट्र मन्त्रालयले जनाएको छ । उपराष्ट्रपति पुन आगामी सोमबार अपरान्ह ४ बजे स्वदेश फर्कने कार्यक्रम छ ।
प्रतिक्रिया दिनुहोस्