काठमाण्डौं, २२ कार्तिक । विश्व फुटबलको प्रशासकीय निकाय फिफा र युरोपियन फुटबलको प्रशासकीय निकायले युइ एफ एले नयाँ विश्व लिग फुटबल सुरु गर्ने विषयमा छलफल गरेका छन् ।

अन्तर्रा्ष्ट्रिय मैत्रिपूर्ण खेलहरुलाई प्रतिस्थापित गर्ने गरी फुटबलमा नयाँ विश्व लिग ल्याउने सम्भावना बारे दुई संस्थाबिच छलफल भएको हो । युइएफएले आउदो सेप्टेम्बरदेखि सदस्य ५५ राष्ट्रबिच नया नेशन्स लिग खेलाउने तयारी गरिरहेको छ । यो प्रतियोगिताका कारण फिफाको क्यालेन्डरमा रहेका अन्तर्रा्ष्ट्रिय मैत्रिपूर्ण खेल प्रभावित हुनेछन् । यो समस्यालाई नयाँ विश्व लिगको स्थापना गरेर वा नेशन्स लिगलाई विश्वव्यापी बनाएर समाधान गर्न सकिने सम्भावनाका बारेमा छलफल भएको हो । युइएफएले आउदो वर्षको सेप्टेम्बरमा गर्न लागेको नेशन्स कपमा सहभागी ५५ देशमध्ये शीर्ष चारमा रहने टिमले सन् २०२० को युरोकपमा स्थान बनाउने छन् ।