बुटवल । बुटवलमा सम्पन्न औद्योगिक ब्यापार मेलामा द्धितीय मम्मी डान्सर बनेकी पत्रकार कल्पना डुम्रे ज्ञवाली सैनामैना पुगेर प्रथम मम्मी डान्सर बन्न सफल भएकी छिन् । रुपन्देहीको सैनामैनामा आयोजित मम्मी डान्स प्रतियोगितामा प्रथम भएर डुम्रे ज्ञवालीले प्रथम मम्मी डान्सरको ताज पहिरिएकी हुन् ।
चौंथो राष्ट्रिय सैनामैना कृषि, पर्यटन तथा औंद्योगिक ब्यापार महोत्सवमा भएको मम्मी डान्स प्रतियोगितामा १७ जना प्रतिस्पर्धीलाइ पछि पार्दै बुटवलकी टेलिभिजन पत्रकार कल्पना प्रथम भएकी हुन् । उनलाइ ताज,नगद २० हजार रुपै‌ंया, प्रमाणपत्र सहित सम्मानपत्र प्रदान गरिएको छ ।
सैनामैना उद्योग बाणिज्य संघका अध्यक्ष राज बहादुर क्षेत्री,नेपाली कंँग्रेस सैनामैना नगर सभापति रामप्रसाद अधिकारी, संघका महासचिब दिपक अधिकारी लगायतले उनलाई बिजयीताको ताज सहित पुरस्कृत गरेका थिए । प्रतियोगितामा रुद्रपुरकी अस्मिता थापा द्वितीय र बुटवलकी सोनी सेन्जाली तृतिय भएका थिए ।
उनीहरुले क्रमश नगद १५ हजार र १० हजार नगद सहित प्रमाणपत्र प्राप्त गरे । प्रतियोगितामा १७ सहभागि मध्येबाट पहिलो दिनको नाचबाट १० जना दोश्रो चरणका लागि छनौट भएका थिए ।
डुम्रे यसअघि बुटवल उद्योग बाणिज्य संघको आयोजनामा बुटवल देवीनगरमा भएको २० औं संस्करणको औद्योगिक व्यापार मेलाको आमा नृत्य प्रतियोगितामा द्वितीय भएकी थिइन् ।
मम्मी नृत्याङ्ना डुम्रे ज्ञवाली स्थानीय टेलिभिजन बुद्ध टेलिभिजनकी समाचार बाचिका तथा रेडीयो जागरणमा कार्यक्रम संचालिकाकारुपमा कार्यरत छिन् ।
बुटवल र यस आसपासमा आयोजना गरिने मेला महोत्सवहरुमा दर्शकलाई आकर्षण प्रदान गर्न बिबिध प्रकारका सांगितीक कार्यक्रम समावेश गर्ने गरिएको छ । अघिल्लो वर्ष देखि सुरु भएको मम्मी डान्स प्रतियोगिताको सृङ्खला यस वर्ष रत्यौली प्रतियोगिता थप गरिएको थियो ।
सैनामैनामा जारी मेलामा २ सय २० स्टल रहेको र करिब २ लाख ५० हजार दर्शकले अवलोकन गर्ने तथा ५ करोड बराबरको करोबार गर्ने लक्ष्य रहेको सैनामैना उद्योग बाणिज्य संघका महासचिब दिपक अधिकारीले जानकारी दिएका छन् ।
आयोजकका अनुसार ‘राष्ट्रिय आर्थिक विकासका राष्ट्रिय आधार, कृषि पर्यटन उद्योग र व्यापार भन्ने’ भन्ने मुल नाराका साथ संचालन भएको महोत्सव माघ ६ गते सम्म संचालन हुनेछ ।