काठमाण्डौं, ६ मंसिर । इंग्लिस क्लब टोटनह्याम साबिक विजेता रियल मड्रिडलाई पछि पार्दै समूह विजेताको बनेको छ ।

च्याम्पियन्स लिग फुटबल अन्तर्गत गएराति भएको खेलमा जित निकाल्दै अन्तिम १६ मा स्थान पक्का गर्ने क्रममा टोटनह्याम समूह विजेता बनेको हो । रियल मड्रिड भने समूह उपविजेताको रुपमा अन्तिम १६ मा पुगेको छ । समूह चरण अन्तर्गत गएराति भएको खेलमा जित निकाल्दै समूह ‘एच’ मा रहेका रियल मड्रिड र टोटनह्यामले अन्तिम १६ मा स्थान पक्का गरेका हुन् । इंग्लिस क्लब टोटनह्यामले समूहको अन्तिम खेलमा बोरुसिया डर्टमुण्डलाई २–१ ले हराउँदै समूह ‘एच’ को विजेता बनेर अन्तिम १६ मा स्थान बनाएको हो । अवे मैदानमा भएको खेलमा टोटनह्यामलाई जिताउन ह्यारी केन र सन हेङ–मिनले गोल गरे । बोरुसिया डर्टमुण्डका लागि पिएर एमरिकले एक गोल गरे । ३१ औं मिनेटमा एमरिकको गोलबाट बोरुसिया डर्टमुण्डले पहिलो हाफमा १–० को अग्रता लिएको थियो । तर टोटनह्यामले दोस्रो हाफमा खेलमा फर्किएर नतिजा आफ्नो पक्षमा र्पायो । ४९ औं मिनेटमा केनले टोटनह्यामका लागि बराबरी गोल फर्काए । ७६ औं मिनेटमा सनले गोल गरेपछि टोटनह्यामले २–१ को जित निश्चित र्गयो । समूह विजेता बनेको टोटनह्यामको १३ अंक भयो भने समूह उपविजेता रियल मड्रिडको १० अंक रहेको छ।