आयोगको केन्द्रीय कार्यालय कान्तिपथमा बसेको आयोग पदाधिकारीको बैठकले राष्ट्रियसभा सदस्य निर्वाचनमा दल दर्ताका लागि १५ दिनको समय दिएको छ।
राष्ट्रियसभा निर्वाचन सम्पन्न गरी संघीय संसद्को निर्माण गर्ने क्रममा रहेको जनाउँदै आयोगले निकट भविष्यमा हुने राष्ट्रियसभा सदस्य निर्वाचनका लागि दलहरुलाई दर्ताका लागि आह्वान गरेको हो।
आयोगका सहसचिव एवं प्रवक्ता दिनेशकुमार घिमिरेद्वारा जारी विज्ञप्तिमा भनिएको छ, ‘नेपालको संविधानको धारा २६९ बमोजिम संवत् २०७४ साल असार मसान्तसम्म यस आयोगमा दर्ता कायम रहेका राजनीतिक दलहरूलाई राष्ट्रियसभा सदस्य निर्वाचन प्रयोजनको लागि नेपालको संविधानको धारा २७१ र राजनीतिक दल सम्बन्धी ऐन, २०७३ को दफा ४८ वा ४९ बमोजिम दल दर्ताको लागि १५ दिनभित्र निवेदन पेश गर्न अनुरोध गरिन्छ।’
प्रतिक्रिया दिनुहोस्