काठमाडौं १४ पुस । नयाँ राष्ट्रपति बनाउने बारे चर्चा चल्न सुरु भएको छ । नेकपा माओवादी केन्द्रले पार्टीका वरिष्ठ नेता रामबहादुर थापा बादललाई राष्ट्रपतिको रुपमा प्रस्ताव गरिसकेको छ । अहिलेको सबैभन्दा ठूलो पार्टी नेकपा एमाले बाट भावी प्रधानमन्त्री बन्ने पक्का भएपछि माओवादी केन्द्रले बादललाई राष्ट्रपतिको रुपमा अघि सारेको स्रोतले जनाएको हो ।

‘बादल’ लाई राष्ट्रपति बनाउनुपर्छ भन्नेमा माओवादीका सबै शीर्ष नेता सकारात्मक देखिएका छन् । त्यसो त नेकपा एमालेबाट पनि झलनाथ खनाल र माधव नेपालले पनि राष्टपति बन्न ईच्छा जाहेर गरेका छन् तर नेकपा एमालेबाटै प्रधानमन्त्री र राष्टपति बन्दा पार्टी एकतालाई असर पर्ने भएकाले खनाल र नेपालले राष्टपतिमा खासै दाबी नगर्ने बताईएको छ ।

यदि नेकपा एमालेले माओवादीको प्रस्ताव मान्न तयार भयो भने पूर्व रक्षामन्त्री समेत रहिसकेका बादलको लागि राष्टपति बन्ने मार्ग प्रशस्त हुनेछ ।