काठमाडौं, ९ माघ । प्रदेश सभाको निर्वाचन सम्पन्न भएको महिनौ दिन पछि विजयी उम्मेदवारले सपथ ग्रहण गरेका छन् । नजिकदै गरेको राष्ट्रिय सभाको निर्वाचनलाइ मध्यनजर गरे सरकारले विभिन्न मत हुदाहुदै पनि सपथ ग्रहण गराएको छ ।

तर निर्वाचन आयोगले सपथग्रहण नगरेका प्रदेशसभा सांसदलाई राष्ट्रियसभा चुनावमा भोट हाल्न दिने नदिने भन्ने बारेमा आजमंगलबार निर्णय गर्दै छ । आयोगले निकालेको मतदाता नामावलीमा सपथ ग्रहण नगरेका प्रदेश सांसदको पनि नाम रहेकाले ती नाम हटाउनु पर्ने भन्दै उजुरी परेको थियो ।

सपथ ग्रहण नगरेको कारण डोटीका प्रदेशसभा सांसद भरतबहादुर खड्का र मनाङका सांसद दिपक मनाङे भनिने राजिव गुरुङका विरुद्धमा उजुरी परेको छ । खड्काले अस्वस्थ भएका कारण सपथ लिन सकेन्न्।

मनाङेलाई भने प्रहरीले खोजि गरिरहेको छ । यस्तै प्रदेश नम्बर ४ कै सांसद राजबहादुर गुरुङले पनि विदेशमा रहेका कारण सपथ लिएका छैनन् । सपथग्रहण नगरेका प्रदेश सांसदले राष्ट्रियसभा चुनावमा भोट हाल्न पाउने नपाउने आज निर्णय गरेर राष्ट्रियसभा चुनावको अन्तिम मतदाता नामावली आजै सार्वजनिक गरिने छ ।