काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच प्रदेशका मुख्यमन्त्री बाँडफाँटमा सहमति भएको छ ।
सात वटा प्रदेशको मुख्यमन्त्रीमा ४–२–१ का आधारमा भागवण्डा मिलाइएको स्रोतले बताएको छ ।
एमालेको मुख्य सहयोगमा प्रचण्ड नेतृत्वको सरकार बनाएकोले उसले प्रदेश १, गण्डकी, लुम्बिनी र कर्णाली प्रदेशको मुख्यमन्त्री पाउने छ ।
माओवादी केन्द्रले बागमती र सुदुरपश्चिम प्रदेशको मुख्यमन्त्री लिनेछ ।
यसैगरी प्रचण्ड नेतृत्वको सरकारलाई समर्थन गरेका दुई दल जनता समाजवादी पार्टी (जसपा) र सिके राउत नेतृत्वको जनमत पार्टीले मधेस प्रदेशमा आधा–आधा कार्यकाल मुख्यमन्त्री चलाउने समझदारी जुटेको छ।
प्रतिक्रिया दिनुहोस्