दाङ ,१७ माघ । डान्स आइकन दाङ सिजन २ को सेमि–फाइनल राउण्ड गत शनिबार घोराहीमा सम्पन्न भएको छ ।

सेमि फाइनल राउण्डबाट देशका विभिन्न स्थानबाट चौतिस जना फाइनलका लागि छनौट भएका छन् । महेन्द्र पुलिस क्लव साँस्कृतिक विभागका सदस्य गिताञ्जलि रसाईलि र डान्सर तथा कोरीयोग्राफर रितेश गौतमको जजमेन्टमा सेमीफाइनल राउण्ड सम्पन्न भएको हो । सो राउन्डबाट क्षमतावान प्रतिस्पर्धीहरु फाइनलका लागि क्वालिफाई भएको कार्याक्रमका संचार संयोजक दिपक बोहराले जानकारी दिनुभयो ।

सिजन १ को सफलतापछि सिजन २ को आयोजना गरेको डिटेन इन्टरटेन्मेन्ट प्रा.लिले फाइनलमा प्रबेश गरेका सबै प्रतिस्पर्धीहरुलाई अवार्ड वितरण गर्र्ने व्यवस्था मिलाएको प्रा.लिका अध्यक्ष बिष्णुकुमार देवकोटाले जानकारी दिनुभयो ।

कार्यक्रमको बिजेताले दुईलाख बढिको पुरस्कार पाउने अथवा १० वटा म्युजिक भिडियोमा काम गर्ने अवसर पाउने आयोजकले जनाएको छ ।

कार्यक्रममा बिष्णुकुमार देवकोटा, नेतृ साजिदा सिद्धिकि, पोषण नाथ योगि, केशव नेपाली लगायतको उपस्थिति थियो । फाइनल फाल्गून ७ मा हुने आयोजकले जनाएको छ ।