काठमाडौं, २० माघ । बलिउड अभिनेता शाहरुख खानको मुम्बई अलीबागस्थित भव्य बंगलामा राजस्व विभागले छापा हानेको छ । छापा पछि सो घटनाले रोचक मोड लिएको छ। शाहरुखका चार्टर एकाउन्टेन्ट ९सिए० ले अलीबागको बंगला खरिद गर्न नक्कली दस्तावेजको प्रयोग भएको पुष्टि गरेका छन्।

शाहरुखमाथि खेतीयोग्य जमिनमा गैरकानुनीरुपले बंगला निर्माण गरेको आरोप लागेको छ। शाहरुखका सिए मोरेश्वर अजगान्वकरले राजस्व विभागलाई जानकारी दिने क्रममा भनेका छन्, ‘त्यो जमिन नक्कली कागजपत्रको आधारमा खरिद गरिएको हो।’

बंगलामा प्राइभेट हेलिप्याटसहित पौडीपोखरी निर्माण गरिएको छ। सूचना अधिकारीले भारतीय पत्रिका इन्डिया टुडेलाई उपलब्ध गराएको सूचनामा भनिएको छ, ‘मोरेश्वर अजगान्वकरले शाहरुखको आज्ञाको पालना गरेका मात्र हुन्।’

उनले नक्कली दस्तावेज र राजस्व विभागले मात्र प्रयोग गर्ने कागज पनि गैरकानुनी रुपमा प्रयोग भएको स्वीकार गरेका छन्। शाहरुखले त्यो ठाउँमा १९९१ देखि नै बंगला भएको बताएका थिए। तर, गुगल अर्थ स्याटलाइटले २००३ सम्म त्यो स्थानमा कुनै बंगला नभएको पृष्टि गरेको छ।