काठमाडौं,२७ माघ । सिंचाइ मन्त्रालयका सचिब रामानन्द यादव चढेको जीप धादिङको बेनीघाटरोलाङ गाउँपालिका–३ को सलाङघाटबाट त्रिशुली नदीमा खसेर बेपत्ता भएको छ । बिहान पौने ३ बजे बा १ झ ३१४० नम्बरको सरकारी जिप पृथ्वीराजमार्गको सलाङ्घाटबाट करिब ५० मिटर तल नदीमा खसेको थियो।

कपिलवस्तुबाट छोरी डाक्टर रञ्जनाको बिहेको कुरो छिनेर फर्केका यादब सगै उनका २२ वर्षीय छोरा सन्तोष यादव र एक जना नाम नखुलेको किशोरी हराइरहेको प्रहरीले जानकारी दिएको छ ।

हराइरहेका तीन जनाको खोजीकार्यका लागी शसस्त्रको गोदाखोर टोली ,नेपाली सेना, जनपथ प्रहरी, स्थानीयबासीको सहयोगमा खोजीकार्य जारी भैरहेको छ । जिपमा अरु को को थिए भन्ने खुलिसकेको छैन , नदी धमिलो भएको कारण उद्दार मा कठिनाइ भएको प्रहरी निरीक्षक सन्जय तिमिल्सिनाले बताए।  घाइते अवस्थामा रहेका चालकलाई उपचारका लागि काठमाडौं ल्याइएको प्रहरीले जनाएको छ । दुर्घटना पछि पौडी खेल्दै गएका चालक यादवलाई स्थानीयले पुल मुनिबाट उद्दर गरेका थिए। जिप सडक छेउका २ वटा प्याराफिट भत्काएर खसेको थियो।