विर्तामोड १२ फागुन । जङ्गली हात्तीको आक्रमणबाट झापामा दुईजनाको ज्यान गएको छ।
शनिवार मध्यान्ह १२ बजे विर्तामोड नगरपालिका ३ विर्ता बजारका च्याङग्रा राजवंशी र विर्तामोडकै वडा नं ७ मियावारीका लसुने मियाको हात्तीको आक्रमणबाट ज्यान गएको जिल्ला प्रहरी कार्यालय झापाले जानकारी दिएको छ।
अन्दाजी ६० बर्षका राजवंशीलाई हात्तीले छातीमा कुल्चेर र मियालाई खुट्टा च्यातेर मारेको बताइएको छ।
उनीहरु घर छेउको जंगलमा घाँस दाउरा गर्न गएका बेला हात्तीले आक्रमण गरेको प्रहरीको भनाइ छ।
प्रतिक्रिया दिनुहोस्