काठमाडौं १५ असार । उपराष्ट्रीय सुरक्षा सल्लाहकार रहेका विक्रम मिश्रलाई भारत सरकारले नयाँ विदेश सचिवका रुपमा नियुक्त गरेको छ । मिश्र चीनको बारेमा विशेषज्ञ मानिन्छन् ।

मिश्रले विनय मोहन क्वात्रालाई विस्थापित गरेका छन् ।क्वात्रा भने भारतका लागि संयुक्त राज्य अमेरिको राजदूत नियुक्त हुने भारतीय मिडियाहरुले उल्लेख गरेका छन् । ६ महिना पहिले नै क्वात्राको विदेश सचिवको कार्यकाल सकिएको थियो । नयाँ विदेश सचिव मिश्रले जुलाई १ तारिखबाट कार्यभार सम्हाल्ने छन् ।

मिश्रले तीनजना प्रधानमन्त्री ( इंदर कुमार गुजराल, मनमोहन सिंह र नरेन्द्र मोदी ) को निजी सचिवका रूपमा सेवा गर्ने असामान्य मौका पाएका थिए ।

मिश्र उपराष्ट्रीय सुरक्षा सल्लाहकारको रूपमा नियुक्त हुनु पहिले २०१९देखि २०२१ सम्म चीनको राजदूतका रुपमा काम गरेका उच्चस्तरीय कुटनीतिज्ञ हुन् ।
५९ वर्षीय मिश्रले २०२० को जुनमा गलवान घाटीको संघर्षको पछि भारत र चीनका बीच वार्ता गराउन महत्वपूर्ण भूमिका खेलेको भारतीय मिडियाहरुले उल्लेख गरेका छन् ।