काठमाडौं ७ साउन । नेपाली राष्ट्रिय भलिबल टोली र रसियन टोलीबीचको दोस्रो तथा अन्तिम मैत्रीपूर्ण खेल आज हुँदैछ।
पहिलो मैत्रीपूर्ण खेलमा सोझो सेटमा पराजित भएको नेपाली टोली आजको खेल सुधारिएको प्रर्दशन गर्ने योजनामा हुनेछ।
नेपाली टोली पहिलो खेलमा २५–१७, २५–१९ र २५–१५ ले पराजित भएको थियो। उता रसियन टोली भने नेपालमाथि लगातार हाबी हुन चाहन्छ।
नेपालस्थित रसियन दुतावासको सहयोगमा नेपालले रसियासँग दुई मैत्रीपूर्ण खेल खेल्ने अवसर पाएको हो। साउन १७ गतेदेखि घरेलु मैदानमा हुने काभा नेसन्स लिगको तयारीका लागि नेपालले रसियन टोलीसँग मैत्रीपूर्ण खेल खेल्न लागेको हो।
काभा नेसन्स लिगमा नेपालसँगै भारत, मालदिभ्स, इरान र श्रीलंकाले सहभागिता जनाउँदैछन्।
प्रतिक्रिया दिनुहोस्