काठमाडौं २९ कात्तिक । बेलायती पत्रिका द गार्डियनले आफ्ना समाचार सामाजिक सञ्जाल प्लेटफर्म एक्स ट्वीटरमा पोस्ट नगर्ने भएको छ।

गार्डियनले समाचार नै लेखेर अब एक्समा आफ्नो समाचार पोस्ट नगर्ने जानकारी गराएको छ। उसले एक्समा हुनुका फाइदाहरूलाई नकारात्मकताले ओझेलमा पारेको उल्लेख गरेको छ।

हाम्रो पत्रकारितालाई अन्यत्र प्रबर्द्धन गर्न स्रोतहरू अझै राम्रोसँग प्रयोग गर्न सकिन्छ, गार्डियनले भनेको छ।

पछिल्लो केही समयदेखि लगातार रूपमा आइरहेका कन्टेन्टहरू हेर्दा त्यसले नकारात्मकता बढी फैलाएको पनि गार्डियनको आरोप छ।

अमेरिकी राष्ट्रपति चुनाव अभियानताका लामो समयदेखि विचार गरिएका कुराहरू नै बढी प्रचार भएको पनि गार्डियनले बताएको छ।

एक्स एक विषाक्त मिडिया प्लेटफर्म हो। यसका मालिक इलन मस्कले राजनीतिक विमर्शलाई आकार दिनका लागि यसको प्रभाव उपयोग गरे, गार्डियनले भनेको छ।