काठमाडौं २८ चैत । अमेरिकाका राष्ट्रपति डोनाल्ड ट्रम्पले चीनबाट आयात हुने सामानमा १२५ प्रतिशत कर ९भन्सार महसुल० लगाउने घोषणा गरेका छन्। जुन तुरुन्तै लागू हुनेछ।

साथै बाँकी विश्वका लागि ९० दिनको ुस्थगनु स्वीकृत गरी यस अवधिमा पारस्परिक ट्यारिफ १० प्रतिशतमा घटाइएको उनले उल्लेख गरेका छन्।

ट्रम्पले आफ्नो सामाजिक सञ्जाल प्लेटफर्म ट्रुथ सोसलमा यो जानकारी दिँदै चीनले विश्व बजारप्रति सम्मान नदेखाएको आरोप लगाएका छन्।

उनले लेखेका छन्, ‘विश्व बजारप्रति चीनले सम्मान नदेखाएकाले म अमेरिकाले चीनलाई लगाएको कर १२५ प्रतिशतमा बढाउँदै छु, जुन तुरुन्तै लागू हुनेछ। आशा छ( चीनले चाँडै बुझ्नेछ कि अमेरिका र अन्य देशलाई आर्थिक रूपमा निरन्तर हानि पुर्‍याउने दिन सकिएको छ र यो पनि स्वीकार्य छैन।’

साथै ट्रम्पले घोषणा गरेको ९० दिनको ुरोकुको अर्थ यस अवधिमा चीनबाहेक सबै देशमा एकरूप १० प्रतिशत पारस्परिक ट्यारिफ लगाइनेछ। यो जानकारी ह्वाइट हाउसले दिएको छ।

अमेरिकी अर्थमन्त्रीले पहिले केही सामानमा २५ प्रतिशतसम्मको भन्सार शुल्क लगाउने क्यानडा र मेक्सिकोलाई पनि अब १० प्रतिशतको आधारभूत भन्सार शुल्कमा समावेश गरिएको छ। यद्यपि, उनले यो सहुलियतमा युरोपेली संघ ९ईयू० पनि समावेश छ कि छैन भनेर स्पष्ट पारेनन्।

यसअघि अमेरिकाले चीनलाई १०४ प्रतिशत कर लगाउने घोषणा गरेको थियो, त्यसपछि चीनले पनि अमेरिकाविरुद्ध थप ५० प्रतिशत कर लगाएर बदला लियो। यसको अर्थ अमेरिकाविरुद्ध पहिलेको ३४ प्रतिशतको सट्टा कूल ८४ प्रतिशत भन्सार लाग्नेछ।

चीनले अमेरिकी करविरुद्ध सम्पूर्ण विश्वलाई एकताबद्ध हुन पनि अपिल गरेको छ।

चिनियाँ राष्ट्रपति सी चिनफिङले अमेरिकी करको सामना गर्न चीनले आफ्ना छिमेकी देशसँगको सम्बन्ध बलियो बनाउनुपर्ने बताएका छन्।