काठमाडौं, २१ असार । अमेरिकाले २५०औँ स्वतन्त्रता दिवस मनाउँदै छ।यस अवसरमा फिलाडेल्फिया, न्युयोर्क र वासिङ्गटन डीसीसहित अमेरिकाका सबै ५० राज्यमा परेड, ऐतिहासिक कार्यक्रम र संगीत कन्सर्ट आयोजना गरिँदै छन्।ह्वाइट हाउसका अनुसार राष्ट्रपति डोनाल्ड ट्रम्पले केही समयपछि राष्ट्रलाई सम्बोधन गर्नेछन्।

यसपछि वासिङ्टन डीसीमा इतिहासको सबैभन्दा ठुलो आतिशबाजी गरिनेछ। तीव्र गर्मी र खराब मौसमका बाबजुद ठुलो संख्यामा मानिसहरू उत्सवमा उपस्थित भइरहेका छन्।फिलाडेल्फियामा दिउँसो १२ बजे घण्टी बजाइएको थियो। इन्डिपेन्डेन्स मलमा स्वतन्त्रता संग्रामसँग सम्बन्धित दृश्य प्रस्तुत गरिएको थियो। १७७६ जुलाई ४ मा उत्तरी अमेरिकाका १३ ब्रिटिस उपनिवेशले स्वतन्त्रताको घोषणासँगै बेलायतबाट अलग हुने निर्णय गरेका थिए।संयुक्त राज्य अमेरिकाले यस उत्सवलाई ‘अमेरिका २५०’ नाम दिएको छ।