काठमाडौं — अर्थमन्त्री डा. स्वर्णिम वाग्लेले आज (साउन १९) मुलुकका २० वाणिज्य बैंकका प्रमुख कार्यकारी अधिकृत (सीईओ)हरूसँग छलफल गर्ने भएका छन्।
अर्थ मन्त्रालयका अनुसार बजेटमा घोषणा गरिएका आर्थिक सुधारका कार्यक्रमको कार्यान्वयन, वित्तीय क्षेत्रको भूमिका तथा बजारको पछिल्लो अवस्थाबारे जानकारी लिन अर्थमन्त्रीले बैंकका प्रमुख कार्यकारी अधिकृतहरूलाई छलफलका लागि बोलाउनुभएको हो।
दिउँसो ३ बजे अर्थ मन्त्रालयमा हुने छलफलमा नेपाल राष्ट्र बैंकले ‘क’ वर्गमा सूचीकृत २० वाणिज्य बैंकका प्रमुख कार्यकारी अधिकृतहरूको सहभागिता रहने जनाइएको छ।
छलफलमा आर्थिक गतिविधि चलायमान बनाउने, लगानी प्रवर्द्धन गर्ने तथा बैंकिङ क्षेत्रका समसामयिक चुनौती र समाधानका विषयमा समेत विचार–विमर्श हुने अपेक्षा गरिएको छ।
Originally published on abcnews.com.np.
प्रतिक्रिया दिनुहोस्