काठमाडौं । रिलायबल समृद्धि योजना–२ को इकाई नेपाल स्टक एक्सचेन्ज (नेप्से) मा सूचीकृत भएको छ।

नेप्से र रिलायबल इन्भेष्टमेन्ट एण्ड मर्चेन्ट क्यापिटल लिमिटेडबीच शुक्रबार (साउन २२) रिलायबल सामूहिक लगानी कोषअन्तर्गत सञ्चालन हुने ‘रिलायबल समृद्धि योजना–२’ को सूचीकरण सम्झौता सम्पन्न भएको हो।

सम्झौताअनुसार प्रति इकाई अंकित मूल्य १० रुपैयाँ कायम गरिएको १२ करोड ५० लाख (१२,५०,००,०००) इकाई नेप्सेमा सूचीकृत भएका छन्।

रिलायबल इन्भेष्टमेन्ट एण्ड मर्चेन्ट क्यापिटल लिमिटेडले सर्वसाधारणका लागि सार्वजनिक निष्कासनमार्फत बिक्री खुला गरेको उक्त सामूहिक लगानी कोषका सबै इकाई वितरण सम्पन्न भएपछि धितोपत्र सूचीकरण विनियमावली, २०७५ बमोजिम नेप्सेमा सूचीकरण गरिएको हो।

नेप्सेका अनुसार रिलायबल समृद्धि योजना–२ को इकाई साउन २५ गतेदेखि दोस्रो बजारमा कारोबारका लागि उपलब्ध हुनेछ।

सूचीकरणपछि लगानीकर्ताले नेप्सेमा अन्य सूचीकृत म्युचुअल फण्ड सरह उक्त योजनाको इकाई दोस्रो बजारमार्फत खरिद–बिक्री गर्न सक्नेछन्।

Originally published on abcnews.com.np.