काठमाडौं । नेपाल कम्युनिस्ट पार्टी (एमाले), नेपाली कम्युनिस्ट पार्टी र नेपाल कम्युनिस्ट पार्टी (मसाल) बीच लुम्बिनी प्रदेश सरकार गठन तथा समसामयिक राजनीतिक विषयमा सहकार्य गर्ने दुई बुँदे सहमति भएको छ।
बुधबार तीनै दलका शीर्ष नेताबीच भएको छलफलपछि सहमतिपत्रमा हस्ताक्षर भएको हो। सहमतिपत्रमा एमाले अध्यक्ष केपी शर्मा ओली, नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ र नेकपा मसालका महामन्त्री मोहनविक्रम सिंहले हस्ताक्षर गरेका छन्।
सहमतिअनुसार लुम्बिनी प्रदेश सरकार गठन तथा प्रदेशका विकास निर्माणका काममा तीन दलबीच सहकार्य हुनेछ।
त्यस्तै, राष्ट्रिय स्वाधीनता, संविधान र गणतन्त्रको पक्षमा तथा प्रतिगमनविरुद्ध हुने आन्दोलनमा समेत सहकार्य गर्ने सहमति भएको छ।
तीन दलबीचको सहमतिसँगै लुम्बिनी प्रदेशमा नयाँ सरकार गठनको बाटो खुलेको बताइएको छ।
सहमतिको दुई बुँदा :
- लुम्बिनी प्रदेश सरकार गठन तथा प्रदेशका विकास निर्माणका कार्यमा सहकार्य गर्ने।
- राष्ट्रिय स्वाधीनता, संविधान र गणतन्त्रका पक्षमा तथा प्रतिगमनविरुद्धको आन्दोलनमा सहकार्य गर्ने।
Originally published on abcnews.com.np.
प्रतिक्रिया दिनुहोस्