काठमाडौँ । प्रधानमन्त्री वालेन्द्र शाह (बालेन) र नेपाल भ्रमणमा रहेका भारतीय स्थल सेनाध्यक्ष धिरज सेठबीच सिंहदरबारमा भेटवार्ता भएको छ।

प्रधानमन्त्रीको सचिवालयका अनुसार सोमबार बिहान सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता भएको हो। भारतीय स्थल सेनाध्यक्ष सेठ आइतबार नेपाल आएका हुन्।

नेपाल भ्रमणका क्रममा सोमबार नै उनले प्रधानसेनापति अशोकराज सिग्देलसँग द्विपक्षीय भेटवार्ता गरेका थिए। त्यसअघि राष्ट्रपति रामचन्द्र पौडेलले उनलाई नेपाली सेनाको मानार्थ महारथीको दर्ज्यानी चिह्न प्रदान गरेका थिए।

भारतीय स्थल सेनाध्यक्ष सेठ बुधबार स्वदेश फर्किने कार्यक्रम रहेको छ।

सैन्य सम्बन्ध सुदृढ गर्ने उद्देश्य

भारतीय सेनाध्यक्षको नेपाल भ्रमण दुई देशबीचको परम्परागत सैन्य सम्बन्धलाई थप सुदृढ गर्ने उद्देश्यमा केन्द्रित रहेको बताइएको छ।

प्रधानमन्त्री बालेनसँगको भेटवार्तामा दुई देशबीचको सुरक्षा तथा सैन्य सहकार्यलगायतका विषयमा छलफल भएको हुन सक्ने भए पनि प्रधानमन्त्रीको सचिवालयले भेटमा भएका छलफलका विषयवस्तुबारे विस्तृत जानकारी सार्वजनिक गरेको छैन।

Originally published on abcnews.com.np.