काठमाडौं । सेयर बजारमा मंगलबार पनि गिरावट कायमै रहेको छ। लगानीकर्तामा उत्साह कमजोर हुँदा खरिदभन्दा बिक्री चाप बढेपछि नेपाल स्टक एक्सचेन्ज (नेप्से) परिसूचक १९.३४ अंकले घटेर २६२२.४८ विन्दुमा झरेको हो। (Ratopati)

मंगलबारको कारोबारमा ५७ कम्पनीको सेयर मूल्य बढ्दा २१७ कम्पनीको मूल्य घटेको छ भने पाँच कम्पनीको मूल्य स्थिर रह्यो। बजारमा बिक्री चाप बढेकै कारण समग्र परिसूचक नकारात्मक बनेको हो।

आज ५ अर्ब ७ करोड रुपैयाँभन्दा बढीको कारोबार भएको छ। कुल १ करोड ५१ लाख ९६ हजार ९८२ कित्ता सेयर ५५ हजार २४६ पटकको कारोबारबाट किनबेच भएको विवरण छ। (Ratopati)

दुई कम्पनीमा सकारात्मक सर्किट

मंगलबार सर्वोत्तम पेन्ट्स र माउन्ट एभरेष्ट पावर कम्पनीको सेयर मूल्यमा सकारात्मक सर्किट लागेको छ।

त्यस्तै, मनकामना इन्जिनियरिङ, माथिल्लो मैलुङ खोला तथा एचएलआई लार्ज क्याप फन्डलगायतका कम्पनीका लगानीकर्ता पनि तुलनात्मक रूपमा उच्च नाफामा रहेका छन्।

अधिकांश समूह घटे

समूहगत सूचकतर्फ व्यापार समूहबाहेक सबै समूहमा गिरावट आएको छ। बजारमा खरिदकर्ताको तुलनामा बिक्रीकर्ताको दबाब बढ्दा नेप्से लगातार कमजोर बनेको हो।

यससँगै मंगलबारको कारोबारले बजारमा लगानीकर्ताको मनोबल अझै कमजोर रहेको संकेत गरेको छ।

Originally published on abcnews.com.np.