गोरखा । बारपाक सुलिकोट गाउँपालिका–७, बालुवामा चट्याङ लागेर ३५ वर्षीय दिलबहादुर कुवँरको मृत्यु भएको छ।
प्रहरीका अनुसार बुधबार राति पिपलको चौतारामा बसिरहेका बेला कुवँरलाई चट्याङ लागेको थियो। चट्याङ लागेर गम्भीर घाइते भएका उनलाई तत्काल उपचारका लागि प्रदेश अस्पताल गोरखा लगिएको थियो।
अस्पतालमा उपचारका क्रममा कुवँरको मृत्यु भएको प्रहरीले जनाएको छ। घटनाबारे प्रहरीले थप अनुसन्धान गरिरहेको छ।
Originally published on abcnews.com.np.
प्रतिक्रिया दिनुहोस्