काठमाडौं । नेपाली बजारमा दुई दिनको अवधिमा सुनको मूल्य प्रतितोला ३ हजार ६ सय रुपैयाँले घटेको छ।
नेपाल सुनचाँदी व्यवसायी महासंघले शुक्रबारका लागि सुनको मूल्य प्रतितोला ३ लाख १८ हजार ५ सय रुपैयाँ निर्धारण गरेको छ। यसअघि बिहीबार सुन प्रतितोला ३ लाख २० हजार ९ सय रुपैयाँमा कारोबार भएको थियो भने बुधबार यसको मूल्य ३ लाख २२ हजार १ सय रुपैयाँ रहेको थियो।
यसरी बुधबारदेखि शुक्रबारसम्म सुनको मूल्य प्रतितोला ३ हजार ६ सय रुपैयाँले घटेको हो।
यता, चाँदीको मूल्यमा पनि सामान्य गिरावट आएको छ। बुधबार प्रतितोला ४ हजार ९७५ रुपैयाँ रहेको चाँदीको मूल्य बिहीबार ४ हजार ९६५ रुपैयाँमा झरेको थियो। शुक्रबार पनि चाँदी सोही मूल्यमा कारोबार भइरहेको छ।
दुई दिनको अवधिमा चाँदीको मूल्य प्रतितोला १० रुपैयाँले घटेको छ।
Originally published on abcnews.com.np.
प्रतिक्रिया दिनुहोस्