काठमाडौँ । सरकारले भारतसँग सरकार–सरकार (जीटुजी) माध्यमबाट २५ हजार मेट्रिक टन डीएपी रासायनिक मल खरिद गर्न कृषि सामग्री कम्पनी लिमिटेडलाई सैद्धान्तिक सहमति दिएको छ।
शुक्रबार बसेको मन्त्रिपरिषद् बैठकले आवश्यक परिमाणमा डीएपी मल खरिद प्रक्रिया अघि बढाउन कृषि सामग्री कम्पनीलाई सैद्धान्तिक स्वीकृति दिने निर्णय गरेको हो।
बजारमा रासायनिक मलको आपूर्ति सहज बनाउने तथा किसानलाई आवश्यक समयमा मल उपलब्ध गराउने उद्देश्यले भारतसँग जीटुजी प्रक्रियामार्फत खरिद अघि बढाउन लागिएको सरकारले जनाएको छ।
सरकारको निर्णयसँगै २५ हजार मेट्रिक टन डीएपी मल आपूर्तिका लागि आवश्यक प्रक्रिया अघि बढ्ने भएको छ।
Originally published on abcnews.com.np.
प्रतिक्रिया दिनुहोस्