काठमाडौं । भोटेकोशी बाढीमा परी बेपत्ता भएकामध्ये हालसम्म ५९७ जनाको शव फेला परेको छ । साँझ ७ बजेसम्मको विवरणअनुसार ५९७ जनाको शव फेला परेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।

प्राधिकरणका अनुसार हालसम्म १ हजार ९२४ जना सम्पर्कविहीन छन् ।

फेला परेका शवमध्ये रसुवामा १२, नुवाकोटमा ३७, धादिङमा ४० र गोरखामा ४६ जना छन् । यस्तै, नवलपरासी पूर्वमा १५४, नवलपरासी पश्चिममा २७, तनहुँमा ३० र चितवनमा २३३ जनाको शव फेला परेको छ ।

सम्पर्कविहीन हुनेमा नेपाल प्रहरीका २८, नेपाली सेनाका ४५ र सशस्त्र प्रहरीका १३ जना छन् । यस्तै, भन्सार कार्यालयका १५ र अध्यागमन कार्यालयका १५ जना पनि सम्पर्कविहीन छन् ।

प्राधिकरणका अनुसार सबैभन्दा धेरै जलविद्युत् आयोजनामा कार्यरत ९३३ जना सम्पर्कविहीन छन् । यस्तै, ५१७ जना विदेशी नागरिक पनि सम्पर्कविहीन रहेको विवरणमा उल्लेख छ । रसुवा, नुवाकोट र मकवानपुरबाट सम्पर्कविहीन भएकाहरूको थप विवरण प्राप्त भइरहेको प्राधिकरणले जनाएको छ ।

बाढीमा परी घाइते भएका १०१ जना विभिन्न अस्पतालमा उपचाररत छन् ।

उद्धार तथा राहतका लागि १५ हजार ४३१ जना सुरक्षाकर्मी परिचालन गरिएको प्राधिकरणले जनाएको छ ।

Originally published on abcnews.com.np.