काठमाडौं । नेपाली कम्युनिस्ट पार्टी (नेकपा)का संयोजक एवं संसदीय दलका नेता पुष्पकमल दाहाल ‘प्रचण्ड’ले प्रधानमन्त्री वालेन्द्र शाहले कसैको अनुहार हेर्न नचाहेको टिप्पणी गरेका छन्। बुधबार प्रतिनिधिसभाको बैठकमा भोटेकोसी बाढीबारे बोल्दै पूर्वप्रधानमन्त्रीसमेत रहेका प्रचण्डले सरकारलाई सबैको साथ हुँदाहुँदै पनि प्रभावकारी रूपमा काम गर्न नसकेको जिकिर गरे। विपद्को समयमा सरकारको नेतृत्व संवेदनशील र जिम्मेवार हुनुपर्ने उनको भनाइ थियो। प्रधानमन्त्री शाह संसद्मा आएर बाढीबारे ब्रिफिङ दिएकोमा धन्यवाद दिँदै प्रचण्डले अन्य दल र सांसदका अनुभवलाई समेत महत्त्व दिनुपर्ने बताए। प्रधानमन्त्री शाहले आफ्नै दलका सांसदलाई समेत विश्वासमा लिन प्रयास नगरेको प्रचण्डको आरोप थियो। प्रधानमन्त्री शाह संसद्लाई सम्बोधन गरेपछि बाहिरिएको र अन्य सांसदको सम्बोधन नसुनेको विषयमा पनि प्रचण्डले प्रश्न उठाए। विपद्को समयमा सबै दल प्रधानमन्त्रीलाई सहयोग गर्न तयार रहेको उल्लेख गर्दै प्रचण्डले प्रधानमन्त्री शाह भने एक्लै हिँड्न खोजेको जस्तो देखिएको बताए।

Originally published on abcnews.com.np.