काठमाडौं, ७ वैशाख । भारतीय पत्रकार तथा कार्टुनिष्ट स्वाति वडलामडीले बलात्कारको विरुद्धमा बनाएको कार्टुन सामाजिक सञ्जालमा भाईरल बनेको छ । कार्टुनमा हिन्दु धर्मका पात्रहरुको प्रयोग गरेकोले वडलामडीको बिरोध भएको छ । उनकाबिरुद्द पुलिसले केश समेत फाइल गरेको छ ।

उनले भगवान राम र सीताबीचको कुराकानीमा आधारित रहेर कार्टुनमार्फत बलात्कारको बिरोध गरेकी छन् । जसमा सीताले आफ्नो अपहरण आफ्ना पतिका भक्तहरुले नगरी रामणले गरेकोले आफू (बलात्कार) बाट जोगिएको आसय व्यक्त गरिएको छ ।

कार्टुनिष्ट वडलामडीले भारतमा भएका श्रृ‌ंखलाबद्ध सामूहिक बलात्कार र हत्याका घटनालाई लिएर यो कार्टून बनाएको र बलात्कारीको समर्थनमा निस्किएको -यालीमा भगवान रामका भक्त भएको समाचार सार्वजनिक भएपछि यस्तो खालको कार्टुन बनाउन प्रेरणा मिलेको बताएकी छन् ।

उनले ज्यान मार्नेसम्मको धम्की आएपनि आफू यसबाट बिचलित नभएको र यस्ता खालका कार्टुन बनाउने आफ्नो आदत भएको प्रतिक्रिया दिएकी छन् ।

बीबीसी