मकवानपुर,१८ वैशाख । गृहमन्त्री रामबहादुर थापाले यातायात व्यवसायीहरुको सिण्डिकेटलाई खारेज गर्ने कामबाट सरकार पछि नहट्ने बताउनु भएको छ । गृहमन्त्रालयको आयोजनामा मंगलबार हेटौंडामा भएको पत्रकार सम्मेलनमा बोल्दै यातायात व्यवसायीको जस्तोसुकै आन्दोलन गरेपनि सिण्डिकेटलाइ खोरेज हुने बताउनुभयो ।

सुशाशन लागुगर्ने काम प्रहरी संगठनसहित सबैक्षेत्रमा लागु भइरहेको बताउँदै थापाले भन्नुभयो ‘प्रहरी भित्र, कर्मचारी क्षेत्र र अन्य क्षेत्रमा हुने भ्रष्टाचार, तस्करी, अनियमिततालाई अन्त्य गरेरै छाड्ने तयारीमा सरकार छ ।’ अहिले विभिन्न क्षेत्रमा सुरक्षा चुनौती पनि उत्तिकै रहेको र यसलाई नियन्त्रण गरेर छोड्ने प्रतिबद्धता उहाँले गर्नुभयो ।

अपराधलाई नियन्त्रण गर्नका लागि कुनै पनि कसर बाँकी नराख्ने उहाँले बताउनुभयो । लागूऔषध ओसार पसार र यसको प्रयोग बढेकाले नियन्त्रण गर्नका लागि आफूहरु लागिपरेको पनि उहाँले जानकारी दिनुभयो ।