भैरहवा, १४ कात्तिक । भैरहवामा निर्माणधिन गौतमबुद्ध अन्तर्राष्ट्रिय बिमानस्थलको कालोपत्रे गर्ने काम मगलबारदेखि शुरु भएको छ । सन् २०१९ को जुलाई १६ तारिख अघि नै संचालनमा ल्याउने लक्ष्य लिएको बिमानस्थलमा कालेपत्रेको काम सुरु भएका हो ।

२०७१ साल माघमा सिलन्यास भएको बिमानस्थल २०७४ पुस मसान्त भित्र पुरा गर्नु पर्ने भएता पनि मुलुकको राजनीतिक परिवर्तन र विविध कारणले सम्पन्न हुन नसकेको हो । पछिल्लो समय भने बिमानस्थल निर्माणको कामले तिव्रता पाएको हो । अहिलेसम्म बिमानस्थलमा निर्माण कार्य ५५ प्रतिशत सकिएको छ ।

बिमानस्थलमा रहेको ३ किलोमिटर धावन मार्ग रनवे, सव बेस लेयर र बेस लेयर पुरा गरि आयोजनाले पिचको काम शुरु गरेको हो । विमानस्थल निर्माण कार्यअन्तरगत अहिले निर्माण भइरहेको रन वे १ दशमलव २५ मिटर उचाइ, ३ हजार मिटर लम्बाइ तथा ७० मिटर चौडाइको हुनेछ । चौडाइतर्फ दुवै किनारमा १५–१५ मिटर छाडिने छ ।

तीन हजार मिटर लामो रन वेको दुवैतिर ३/३ सय मिटर विमान सुरक्षाका लागि रन वे एण्ड सेङ्खटी एरिया (रेसा) निर्माणको पनि काम भइरहेको छ । सरकारले रनवे पिचको काम ६ महिना भित्र पुरा गर्न आयोजनालाई निर्देशन दिएको संस्कृति पर्यटन तथा नागरिक उडड्यन मन्त्री रबिन्द्र  अधिकारीले बताए ।

आयोजनाले रनवे पिचको काम ४ महिना भित्रै पुरा गर्ने लक्ष्य राखेको आयोजनाका निमित्त प्रमुख इन्जिनियर प्रवेश अधिकारीले दाबी छ । ६ महिना पछि बिमानस्थलको रनवे सकिएपछि आन्तरिक उडान शुरु हुने मन्त्री अधिकारीको दाबी छ । आन्तरिक उडान पछि सबै प्रकृया पुरा गरेर अन्तर्राष्ट्रिय उडान शुरु गर्ने उनले प्रतिबद्धता छ ।

मन्त्री अधिकारीले विभिन्न पर्यटकीय मुलुकको नाममा ख्याती कमाएकाहरु गौतमबुद्ध अन्तराष्ट्रिय बिमानस्थनमा आउन इच्छा व्यक्त गरेको बताए । सरकारले नया“ सम्झौताहरु यस बिमानस्थलकै लागी भनेर गर्न पहलकदमी अघि बढाएको बताए । त्रिभुवन अन्तराष्ट्रिय बिमानस्थलको सुधार गर्न सरकारले प्रकृया अघि बढाएकोले अब जति सक्यो छिटो भैरहवामा अन्तराष्ट्रिय उडान हुने र निर्माणकार्य पुरा गर्न आयोजनालाई दबाव बढेको छ ।

गौतमबुद्ध बिमानस्थल प्रति अन्तराष्ट्रिय स्थरको चासो धेरै देखिएको छ । जसले गर्दा भविष्यमा बिमानको चाप धेरै अनुमान गर्न सकिन्छ । अहिले निर्माण पुरा भएको ६ वटा ठुला बिमान अट्ने पार्किङले नपुग्ने हुनाले थप ९ देखी १० वटा ठुला बिमान अट्ने पार्किङ आयोजनाले निर्माण गर्ने मन्त्री अधिकारीले भनाइ छ । त्यसैगरी अधिकारीले ४ वटा हवाई रुटमा सम्झौता गर्न भारतस“ग वार्ता हुने क्रममै भएको बताए । सुरक्षाको दृष्टीकोण देखाउदै भारतले महेन्द्रनगर र नेपालगंजको रुट दिन नमानेको तर सरकारले ति दुईटा रुट नभए भैरहवाको रुट मागेको अधिकारीको भनाई छ ।

रुटको कारण अन्तराष्ट्रिय उडानमा ढिलाइ नहुने बताउ“दै अधिकारीले निर्धक्क हुन अाग्रह गरे । अहिले प्रशासकीय भवन, कन्ट्रोल टावर, धावनमार्ग, अन्तर्राष्ट्रिय टर्मिनल भवनको निर्माण कार्य अन्तिम चरणमा पुगेको आयोजनाले जनाएको छ । कूल ६ अर्ब २२ करोड रुपैया“ लागतको यो विमानस्थलमा एडिबीको ५४ करोड रुपैया“ अनुदान हो । बा“की चार अर्ब २० करोड रुपैया“ ऋण सहयोग छ । विमानस्थलको निर्माण कार्यको जिम्मा चिनिया“ ठेकेदार कम्पनी नर्थ वेष्ट सिभिल एभिएसनले लिएको छ ।