काठमाण्डौं, ३१ असोज । इंग्लिस प्रिमियर लिग फुटबल अन्तर्गत गएराति भएको खेलमा लेस्टर सिटीले वेष्ट ब्रोमसंग बराबरी खेलेको छ ।
घरेलु मैदानमा भएको खेलमा लेस्टर सिटीले वेष्ट ब्रोमसंग १–१ को बराबरी खेल्दै अंक बाँडेको हो । पहिलो हाफमा गोलरहित बराबरी भएको खेलमा ६३ औं मिनेटमा नासर चाड्लीको गोलबाट वेष्ट ब्रोमले अग्रता लियो । तर ८० औं मिनेटमा रियाद महरेजले लेस्टर सिटीका लागि बराबरी गोल गरेर टिमलाई हारबाट जोगाए । महरेजले प्रिमियर लिगमा यो सिजन पहिलो गोल गरेका हुन् । खेल गोल रहित रहेका बेला महरेजले गोल गर्ने सुन्दर मौका गुमाएका थिए । बराबरीपछि ८ खेलबाट ६ अंक मात्रै जोडेको लेस्टर सिटी १८ औं स्थानमा छ । १० अंकसहित वेष्ट ब्रोम १० औं स्थानमा उक्लिएको छ ।
प्रतिक्रिया दिनुहोस्