काठमाण्डौं, ८ कात्तिक । काराबावो कप अन्तर्गत गएराति भएको फुटवल खेलमा गोलकिपर क्लाउडियो ब्राबोको उत्कृष्ट प्रदर्शनले म्यानचेस्टर सिटी क्वाटरफाइनलमा प्रवेश गरेको छ ।
वल्भरह्याम्टनविरुद्धको जितसंगै यो सिजन सिटी लगातार १४ खेलमा अपराजित रहेको छ । टाइब्रेकरमा ४–१ ले विजयी भएको सिटीका लागि ब्राबोले दुई प्रहार बचाएका थिए । यस्तै गएराति नै भएको खेलमा आर्सनलले नरविच सिटीलाई २–१ ले, ब्रोनमाउथले मिडल्सब्रोलाई ३–१ ले, ब्रिस्टल सिटीले क्रिष्टल प्यालेसलाई ४–१ ले, लिसेस्टर सिटीले लिड्स युनाइटेडलाई ३–१ ले हराएका छन् । साथै क्वाटर फाइनलका लागि बुधबार राति चेल्सी र इभर्टन साथै टोटनहाम र वेष्ट हाम युनाइटेडबिच खेल हुँदैछ ।
प्रतिक्रिया दिनुहोस्