काठमाडौं । निसान गाडीको आधिकारिक वितरक पायनियर मोटो कर्प प्रालिले नयाँ प्रिमियम एसयूभी ‘निसान टेकटन’ नाइमा मोबिलिटी एक्स्पो २०२६ मा सार्वजनिक गरेको छ।

कम्पनीका अनुसार निसान टेकटन ‘डिजाइन्ड टु डिस्रप्ट’ अवधारणामा आधारित छ। गत जुलाई ९ मा भारतको मुम्बईमा विश्वव्यापी सार्वजनिक प्रदर्शन गरिएको यो एसयूभी दक्षिण एसियाली बजारमा ल्याइएको हो।

निसान टेकटनमा बोल्ड तथा मस्कुलर डिजाइन, आकर्षक बडी लाइन, अपराइट स्टान्स, सी–सेप्ड एलईडी लाइटिङ र होरिजन्टल फ्रन्ट डिजाइन राखिएको छ। कम्पनीले यसलाई सहरी सडकदेखि पहाडी राजमार्गसम्म प्रयोग गर्न मिल्ने गरी डिजाइन गरिएको जनाएको छ।

आधुनिक प्रविधि र सुरक्षा सुविधा

टेकटनको इन्टेरियरमा टेक–लिङ्क एचडी इन्फोटेनमेन्ट सिस्टम उपलब्ध छ। यसमा वायरलेस एप्पल कारप्ले र एन्ड्रोइड अटोजस्ता कनेक्टिभिटी सुविधा छन्।

एसयूभीमा इलेक्ट्रोनिक पार्किङ ब्रेक, क्रुज कन्ट्रोल, रियर–भ्यू क्यामेरा, ई–सिफ्टर तथा प्रिमियम इन्टेरियर फिनिस राखिएको छ। यसमा ७०० लिटरसम्मको बुट स्पेस, ६ वटा एयरब्याग र ३६० डिग्री क्यामेरा उपलब्ध छन्।

त्यस्तै, इमर्जेन्सी ब्रेकिङ, लेन किप असिस्ट र ब्लाइन्ड स्पट वार्निङजस्ता उन्नत चालक सहायता प्रणाली पनि टेकटनमा समावेश छन्।

दुई पावरट्रेन विकल्प

निसान टेकटन टर्बो टी१६० र टर्बो टी२८० गरी दुई पावरट्रेन विकल्पमा उपलब्ध हुनेछ। कम्पनीका अनुसार यसले अधिकतम १६३ पीएस पावर र २८० एनएम टर्क उत्पादन गर्छ।

टर्बो टी२८० भेरियन्टमा ६–स्पीड वेट–क्लच डुअल क्लच ट्रान्समिसन र ई–सिफ्टर उपलब्ध छ। यसले सहज गियर परिवर्तन तथा ड्राइभिङ नियन्त्रणमा सहयोग गर्ने कम्पनीको दाबी छ।

नाइमा मोबिलिटी एक्स्पो २०२६ मा आगन्तुकले निसान टेकटनको प्रत्यक्ष अवलोकन गर्नुका साथै यसको प्रविधि र विशेषताबारे जानकारी लिन सक्नेछन्।

मूल्य सार्वजनिक भएन

कम्पनीले निसान टेकटनको मूल्य भने सार्वजनिक गरेको छैन।

Originally published on abcnews.com.np.