काठमाडौं । बाढीका कारण क्षतिग्रस्त पुलको पुनर्निर्माणका लागि सरकारले भारत र चीनसँग ४२ वटा बेलिब्रिज सहयोग मागेको छ।
परराष्ट्र मन्त्रालयले दुवै छिमेकी मुलुकसँग ४२ वटा बेलिब्रिज उपलब्ध गराइदिन आग्रह गर्दै शुक्रबार पत्राचार गरेको हो।
बुधबार आएको भीषण बाढीका कारण रसुवा, नुवाकोट र धादिङका ४१ वटा पुल पूर्ण रूपमा क्षतिग्रस्त भएको पूर्वाधार विकास मन्त्रालयले जनाएको छ।
बाढीपछि सडक तथा यातायात सम्पर्क पुनःस्थापित गर्न तत्काल अस्थायी पुल आवश्यक परेको भन्दै सरकारले छिमेकी मुलुकसँग सहयोग मागेको हो।
पूर्वाधार विकास मन्त्रालयका अनुसार हाल नेपालसँग ७ वटा मात्रै बेलिब्रिज मौज्दात छन्। क्षतिग्रस्त पुलको संख्या धेरै रहेकाले थप बेलिब्रिज आवश्यक परेको मन्त्रालयले जनाएको छ।
Originally published on abcnews.com.np.
प्रतिक्रिया दिनुहोस्