काठमाडौं । हिमालयन बैंकको अध्यक्षमा पूर्व मुख्यसचिव डा. बैकुण्ठ अर्याल चयन भएका छन्।

बैंकको भदौ १४ गते आइतबार बसेको सञ्चालक समितिको ५०६औँ बैठकले अर्याललाई सर्वसम्मत रूपमा अध्यक्षमा निर्वाचित गरेको हो।

डा. अर्याल बैंकको संस्थापक समूहका शेयरधनी नेशनल लाइफ इन्स्योरेन्स कम्पनी लिमिटेडको प्रतिनिधित्व गर्दै सञ्चालकका रूपमा कार्यरत थिए। अध्यक्षमा निर्वाचित हुनुअघि उनी बैंकको सञ्चालक रहेका थिए।

अध्यक्षमा सर्वसम्मत निर्वाचित भएपछि डा. अर्यालले भदौ १५ गते सोमबार पदभार ग्रहण गरेका छन्।

सोही दिन उनले नेपाल राष्ट्र बैंकका गभर्नर प्रा. डा. विश्वनाथ पौडेलसमक्ष पद तथा गोपनीयताको शपथ लिएका छन्।

पूर्व मुख्यसचिवसमेत रहेका डा. अर्यालको नेतृत्वमा हिमालयन बैंकले आगामी दिनमा संस्थागत सुशासन, वित्तीय स्थायित्व तथा बैंकिङ क्षेत्रका चुनौतीलाई कसरी सम्बोधन गर्छ भन्ने विषयलाई चासोका साथ हेरिएको छ।

Originally published on abcnews.com.np.