काठमाडौं, ३० वैशाख । फ्रान्सको राजधानी पेरिसमा भएको चक्कु आक्रमणमा एकजनाको मृत्यु भएको छ भने अरु चारजना घाइते भएका छन् । चक्कुले सर्वसाधारणमाथि आक्रमण गर्ने व्यक्ति प्रहरीको जवाफी कारवाहीमा मारिएका हुन् ।
सेन्ट्रल पेरिसमा भएको आक्रमण आतंककारी आक्रमण रहेको हुन सक्ने फ्रान्सेली अधिकारीले बताएका छन् । प्रत्यक्षदर्शीले आक्रमणकारीले चक्कु प्रहार गर्ने बेला ‘अल्लाह हुअक्बर’ भनेको सुनेको बताएका छन् ।फ्रान्सेली राष्ट्रपति इम्यानुएल म्याक्रोनले आक्रमणको भत्सर्ना गर्दै आक्रमणकारीलाई कुनै पनि हालतमा नछोडिने बताएका छन् ।
शनिबार बेलुका भएको आक्रमण आफ्ना एक लडाकुले गरेको बिद्रोही संगठन इस्लामिक स्टेट (आइएस) ले दाबी गरेको छ । रात्री जीवनका लागि प्रख्यात सेन्ट्रल पेरिसमा आक्रमण भएको हो ।
प्रतिक्रिया दिनुहोस्