काठमाडौं, १९ मङ्सिर। कञ्चनपुरकी १३ वर्षीया बालिका निर्मला पन्तको बलात्कारपछि हत्या प्रकरणमा एकजनालाई प्रहरीले पक्राउ गरेको छ ।
प्रहरीको केन्द्रीय अनुसन्धान ब्यूरो (सीआईबी)को टोलीले उनलाई काठमाडौंबाट पक्राउ गरेको हो ।
प्रहरीले पक्राउ परेका युवाको नाम गोप्य राखेको छ ।
निर्मलाको शव फेला परेको दिन साउन ११ गते घरबाट बाहिरिएका एक युवक काठमाडौंबाट पक्राउ परेको प्रहरीले जनाएको छ ।
लागू औषध र दुर्व्यसनीमा संलग्न रहेका ती युवामाथि प्रहरीले पहिले नै आशंका गरेको थियो ।
तर परिवारका सदस्यले उनी भारत गएको बताएका थिए । प्रहरीले भारतमा समेत उनको खोजी गरिराखेको थियो । मंगलवार साँझ ती युवा काठमाडौंमा फेला परेका हुन् ।
प्रतिक्रिया दिनुहोस्