काठमाडौ ७ असससोज । नेपाल कम्युनिस्ट पार्टी र चिनियाँ कम्युनिस्ट पार्टीबीच समझदारी पत्रमा हस्ताक्षर भएको छ । अध्यक्षद्वय केपी ओली र पुष्पकमल दाहाल प्रचण्डको उपस्थितिमा नेकपा विदेश विभाग प्रमुख माधवकुमार नेपाल र चिनियाँ कम्युनिस्ट पार्टीका विदेश विभाग प्रमुख सङ ताओले हस्ताक्षर गर्नुभएको समझदारीपत्रमा निम्न छ बुँदा छन् ।
१. उच्चस्तरीय भ्रमण
२. कार्यकर्ता तहको अध्ययन भ्रमण बृद्धि
३. पार्टी(पार्टी अनुभव आधारित सहयोग आदान–प्रदान
४. युवा र स्थानीय नेताहरूबीच भ्रमण आदान–प्रदान
५. जनस्तरको सम्बन्ध (बुद्धिजीवी, नागरिक संस्था, मिडिया) अभिवृद्धि
६. विचार–सिद्धान्तमा आधारित वार्षिक कार्यक्रम सञ्चालन

सन् १९२१ मा स्थापना भएको चिनिया कम्युनिस्ट पार्टी र सन् १९४९ मा चिनिया कम्युनिस्ट पार्टीकै राजनीतिक कार्यक्रम र माओत्सेतुङबाट प्रभावित भएर स्थापना भएको नेकपाका बीचमा सन् २०१९ मा नेकपाले संसदमा झण्डै दुई तिहाई बहुमत प्राप्त गरी सरकार सञ्चालन गरिरहेको डेढ वर्षको अवस्था दुई पार्टीबीच भातृत्वपूर्ण सम्वन्ध कायम भएको हो ।
यस अघि असोज ६ गते र ७ गते दुई दिनसम्म सि जिनपिङ विचारधारा बारे दुई पार्टीका केन्द्रीय नेताहरुका बीचमा अन्तरक्रिया र प्रशिक्षण कार्यक्रम भएको थियो ।
त्यस अघि सेप्टेम्वर पहिलो साता चिनिया विदेशमन्त्री तथा स्टेट काउन्सिलर वाङ यीले नेपालको तीन दिने भ्रमण गरेका थिए ।