काठमाडौं , २६ असार। बेलायतका विदेशमन्त्री बोरिस जोनसनले राजीनामा दिएका छन् । यससँगै बेलायतको सरकारमा राजनीतिक उथलपुथल बढेको छ ।

यो राजनीतिक उथलपुथल यस्तो बेला भएको छ, जब युरोपेली युनियनबाट अलग हुन ब्रिनेटसँग ९ भन्दा कम समय मात्र छ ।

बोरिस जोनसन भन्दा एक दिन पहिले डेविड डेविसले राजीनामा दिएका थिए, जो ईयूबाट अलग हुने मामिलामा बेला सरकारको मुख्य वार्ताकार नै थिए । बोरिसको राजीनामाले प्रधानमन्त्री टेरेसा मे संकटमा परेको विश्लेषण गरिएको बीबीसीले जनाएको छ ।

प्रधानमन्त्रीको कार्यालयद्वारा जारी विज्ञप्तिमा भनिएको छ, “विदेश मन्त्रीको पदबाट बोरिस जोनसनले दिएको राजिनामा प्रधानमन्त्रीबाट स्वीकृत भएको छ ।”
प्रधानमन्त्री टरिजा मेको मन्त्रिपरिषद्मा रहेका डेभिस र जोनसनले राजीनामा दिएपछि बेलायतमा नयाँ राजनीतिक तरङ्ग पैदा भएको छ।

युरोपेली संघबाट बेलायतको बहिर्गमन विषयमा वार्ता गर्ने जिम्मेवारी पाएका मन्त्रीहरुको राजिनामाले ब्रेक्जिटसम्बन्धी मुद्दालाई प्रभाव पार्ने अनुमान गरिएको छ ।
इयुसँगको भावी व्यापार सम्बन्धका विषयमा बेलायतले एउटा नयाँ प्रस्ताव ल्याएकोमा त्यसको दुई दिनपछि नै उनीहरुको राजीनामा आएको हो।

ब्रेक्जिट वार्ताहरूको विषयमा कैयौँ पटक प्रधानमन्त्री मेले लिनुभएका अडानहरूबारेमा उहाँहरुको मतभेद पनि भएको बताइएको छ।

ब्रेक्जिटको बारेमा बेलायतमा भद्रगोलको अवस्था रहेको र प्रधानमन्त्री मेसँग ब्रेक्जिटको बारेमा सही र समर्थन बाँकी नरहेको लेबर पार्टीका प्रमुख इयान लेभरीले बताएका छन्।